Vonin hét Ásmundur og sökk í höfninni Hofsósi. Báturinn var hífður á þurrt og þannig var hann þegar við keyptum hann snemma árs 2020. Engar skemmdir voru á skrokk en allur búnaður í bátnum var ónýtur, vél, rafkerfi, tæki o.fl.
Meðan við áttum bátinn gerðum við nokkrar breytingar á honum. Fyrst tókum við kassann af honum, eins og myndirnar sýna er botn hans ekki eins og botn bátsins. Svo settum við aðeins styttri kassa aftan á hann og létum hann fylgja botnlínunni. Svo skárum við perustefnið af bátnum, það var mikil breyting. Aldrei tókst að fá meiri gang í bátinn, hann gekk bara sínar 8 til 9 mílur og því varð ekki breytt. En báturinn steinhætti að taka sjó yfir sig og allar hreyfingar urðu þægilegri. Perustefnið var aldrei að gera neitt gott fyrir þennan bát.
Bátasmiðjan Freyja 